MINAMANGUN, SIOU DIKA

Kinaantakan koruolan pinuhobo diti
Rumalad, pinaralad, pinogihil
Toinsasanan songimpasi, poimpatai
Ororihan, popodoron tampangil

Timporon id walai, kada labus
Mitoron noh da, kada kaus
Toruhai nopo, toi ko potilombus
Ika kiponunoh, itokou popolombus

Torimoon, toguangon tokou
Purimonon, saapon tokou
Miiso, poinsombulu tokou
Mongumolig popoburu dotokou

COVID-19, kinointalangan nu
Minongundorosi sompomogunan
Pinoposorou, popokito pinuhobo ku
Poinlasu, kokodou suupan

Minamangun oi, Kinorohingan oi
Siou dika, tamangai ikoi
Kinoruhangan oi, sawi-awi oi
Patatapon ginawo, timporon id walai

#kionsomboy mopihkopih pokinsianan

Tontolu, 23 Mac 2020
Tadau ko-onom MCO